किताबमा पढेको प्रविधि जब आँखैअगाडि देखियो

शुक्रबार स्कुल सकिएपछि म ‘प्रेसिडेन्सियल इन्नोभिस्टा २.०, २०२६’ हेर्न बानेश्वरको थापागाउँ भन्ने ठाउँमा गएँ। प्रदर्शनीको अन्तिम दिन रहेछ। सुरूमा मलाई सामान्य लागेको थियो। तर त्यहाँ पुगेपछि विद्यार्थी दाइ-दिदीहरूले बनाएका परियोजना हेर्दा प्रविधि केवल किताबमा पढ्ने विषय मात्र होइन, आफ्नै हातले केही नयाँ बनाउन सकिने साधन रहेछ भन्ने महसुस गरेँ।

प्रेसिडेन्सियल ग्रेजुएट स्कुलले आयोजना गरेको यस प्रदर्शनीमा एआई, रोबोटिक्स, साइबर सुरक्षा, स्मार्ट होम, सफ्टवेयर र डिजिटल इनोभेसन सम्बन्धी धेरै प्रोजेक्ट राखिएका थिए।