किसानलाई ५० प्रतिशत अनुदानमा स्याउका कार्टुन

जुम्लामा उत्पादन भएको स्याउ लामो समयदेखि भारतीय र चिनियाँ कार्टुनमा प्याक भएर देशका विभिन्न बजारमा पुग्दै आएको थियो। उत्पादन जुम्लाको भए पनि कार्टुनमा जुम्लाको नाम र पहिचान नहुँदा बजारमा पुग्दा स्थानीय स्याउको ब्रान्ड कमजोर देखिन्थ्यो। अब भने जुम्ली स्याउले आफ्नै कार्टुन पाउन थालेको छ।

प्रधानमन्त्री कृषि आधुनिकीकरण परियोजना, परियोजना कार्यान्वयन इकाई जुम्लाले किसानलाई ५० प्रतिशत अनुदानमा ‘जुम्ली स्याउ’ लेखिएको कार्टुन वितरण थालेको हो।