५५ वर्षअघि नै क्यान्सर : शरीरको जैविक उमेरसँग सम्बन्ध हुन सक्ने

५५ वर्ष वा त्यसभन्दा कम उमेरमा देखिने क्यान्सर र शरीरको जैविक उमेर अपेक्षाभन्दा छिटो बढ्नुबीच सम्बन्ध हुन सक्ने नयाँ अध्ययनले देखाएको छ।

अनुसन्धानकर्ताका अनुसार पछिल्ला पुस्ताका केही मानिसमा उनीहरूको वास्तविक उमेरभन्दा शरीर जैविक रूपमा बढी उमेरको देखिने गरेको पाइएको छ। शरीरको जैविक उमेर वास्तविक उमेरभन्दा जति बढी हुन्छ, कम उमेरमै क्यान्सर हुने जोखिम पनि त्यति नै बढी देखिएको अध्ययनमा उल्लेख छ।