डिजिटल वित्तीय सेवा विस्तारका लागि राष्ट्र बैंकले बनायो पाँच वर्षे फिनटेक रणनीति

काठमाडौं । नेपाल राष्ट्र बैंकले डिजिटल वित्तीय सेवाको विस्तारसँगै फिनटेक क्षेत्रमा नवप्रवर्तनलाई प्रोत्साहन गर्ने उद्देश्यले पाँच वर्षे रणनीतिक योजना अघि सारेको छ । रणनीतिले प्रविधिमा आधारित वित्तीय सेवाको विकाससँगै सुरक्षित, समावेशी र प्रतिस्पर्धी डिजिटल वित्तीय प्रणाली निर्माणमा जोड दिएको छ ।

राष्ट्र बैंकको भुक्तानी प्रणाली विभागले तयार पारेको ‘फिनटेक रणनीति फर डिजिटल फाइनान्सियल सर्भिसेज’ आर्थिक वर्ष २०२६/२७ देखि २०३०/३१ सम्म लागू गर्ने प्रस्ताव गरिएको छ ।