सांसदले बोल्दाबोल्दै गृहमन्त्री अगाडिबाट हिँडेपछि ऐन महरले जनाए आपत्ति

काठमाडौं । नेकपा एमालेका प्रमुख सचेतक ऐन महरले सत्तापक्षबाट सदनको गरिमामा आँच आउने व्यवहार भइरहेको भन्दै आपत्ति जनाएका छन् । प्रतिनिधिसभाको बैठकमा बोल्दै सत्तापक्षबाट संसद्को गरिमामा आँच आउने गतिविधि भइरहेको बताए ।

उनले भने, ‘सत्ता पक्षबाट पटक–पटक यो सदनको गरिमामा आँच आउने व्यवहार भइरहेका छन्, के यो सभाको गरिमा र मर्यादा प्रतिपक्षबाट मात्रै अपेक्षा गरिएको हो ? सबभन्दा बढी त सरकारले यो सभाको गरिमा र मर्यादा राख्नुपर्ने होइन ?’