पिपल्स डेन्टल कलेजका चिकित्सक–कर्मचारीको आन्दोलनप्रति नेपाल डेन्टल एसोसिएसनको ध्यानाकर्षण

काठमाडौं– पिपल्स डेन्टल कलेज एन्ड हस्पिटलमा कार्यरत चिकित्सक तथा कर्मचारी चार दिनदेखि आन्दोलनरत रहेको विषयमा नेपाल डेन्टल एसोसिएसन (एनडीए)ले गम्भीर ध्यानाकर्षण भएको जनाएको छ।

एनडीएले भदौ २९ गते जारी गरेको प्रेस विज्ञप्तिमा कलेज प्रशासनले भदौ २३ गते सूचना जारी गरी भदौ २४ गतेदेखि लागू हुने गरी कार्यालय समय परिवर्तन गरेको उल्लेख गरेको छ। प्रशासनले नयाँ कार्यसमयअनुसार काम गर्न निर्देशन दिए पनि चिकित्सक तथा कर्मचारीको सेवा–सुविधा, श्रम अधिकार र पारस्परिक सहमतिलाई पर्याप्त रूपमा सम्बोधन नगरी कार्यसमय मात्रै बढाइएको भन्दै विवाद उत्पन्न भएको एनडीएले जनाएको छ।