ग्रेटर लुम्बिनी परियोजनाका लागि नगरपालिकाहरूसँग सम्झौता

विश्व बैंकको ऋण सहयोगमा कपिलवस्तु, रूपन्देही र पश्चिम नवलपरासीलाई समेट्ने गरी प्रस्ताव गरिएको ‘ग्रेटर लुम्बिनी’ परियोजना कार्यान्वयनका लागि सम्बन्धित क्षेत्रका नगरपालिकाहरूसँग सम्झौता गरिएको छ।

बुद्ध जन्मस्थल लुम्बिनीलाई केन्द्रमा राखेर कपिलवस्तुको तिलौराकोट, रूपन्देहीको देवदह र पश्चिम नवलपरासीको रामग्रामलाई समेटेर ग्रेटर लुम्बिनी परियोजना कार्यान्वयनको लागि विश्व बैंकले ८५ मिलियन अर्थात् १२ अर्ब ३५ करोड रुपैयाँ ऋण उपलब्ध गराएको थियो।