पाँच जिल्लाका यी १५ स्थानीय तह तीन महिनाका लागि ‘विपद् संकटग्रस्त क्षेत्र’ घोषणा

काठमाडौं : नेपाल सरकारले रसुवाको भोटेकोशी-ल्हेन्दे खोलामा आएको विनाशकारी बाढीबाट अति प्रभावित ५ वटा जिल्लाका विभिन्न १५ स्थानीय तहहरूलाई तीन महिनाका लागि ‘विपद् संकटग्रस्त क्षेत्र’ घोषणा गरेको छ।

गृह मन्त्रालयले भदौ ११ गते नेपाल राजपत्रमा आधिकारिक सूचना प्रकाशित गर्दै विनाशकारी बाढीपछि प्रभावित भएका रसुवा, नुवाकोट, धादिङ, गोरखा र तनहुँका तल्लो तटीय क्षेत्रका स्थानीय तहहरूलाई संकटग्रस्त क्षेत्र घोषणा गरेको हो।