बाँझो बारीमा ओखर खेतीको लहर

बागलुङ — नवप्रवर्तनका कार्यक्रम, व्यावसायिक उत्पादन र कृषि पर्यटनका समेत नारा दिएर बागलुङमा ओखर खेती विस्तार भइरहेको छ । पालिकाले पछिल्लो समय बाँझो जमिनको उपयोगमा २० हजारभन्दा बढी ओखर लगाइसकेका छन् ।

पछिल्लो तीन वर्षमा ती बिरुवा लगाइएका हुन् । एक हजार ६ सयदेखि ३ हजार मिटरसम्म उत्पादन गर्न सकिने ओखरका बिरुवा पालिकाहरूले आफ्नो क्षेत्रमा विस्तार गरिरहेका छन् । किसानले पनि बाँझो बनेको जमिनमा ओखर खेती गर्न रुचाएका छन् ।