प्रचण्डको ‘लास्ट गेम’ के हुन सक्छ ? किन छटपटाउँदै छन् ?

काठमाडौँ । नेपाली राजनीति यतिबेला निकै ठूलो आँधीपछिको अवस्थामा छ । गत वर्ष भदौं २३ र २४ नेपाली राजनीतिमा अपत्याशित आँधी आएको थियो । वर्षाैदेखि नेताहरुको उही शैलीको राजनीति, उही शैलीको अस्थिर शासन व्यवस्था, दल वा नेता निकट मालामाल हुने अवस्था । यही कारण युवा पूस्ताले गरेको विद्रोहको विष्फोटले एकै झड्कामा नेपालमा धेरै उथलपुथल ल्याइ दियो ।

राजतन्त्र उन्मुलनपछि आफैलाई नव राजवंशजस्तो ठान्ने गरेका केपी ओली, प्रचण्ड र शेरबहादुर देउवा जस्ता नेताहरु आफै संकटमा परे । यसमध्ये देउवा पार्टीभित्रैबाट विस्थापित भए । ओली जवरजस्त पार्टी नेतृत्वमै छन् भने प्रचण्ड अनेक टिकडम अपनाउँदै सानै समूहको भएपनि नेतृत्वमै छन् । तर यतिबेला यी तीनै जना नेताहरुको ग्रहदशा र मनोदशा ठीकसँग चलिरहेको छैन ।