विधिको कुरा गर्नेबाटै उल्लंघन, धरानको बेरुजु ४५ करोड नाघ्यो

विराटनगर । धरान उपमहानगरपालिकाको आर्थिक वर्ष २०८१/८२ को महालेखा परीक्षकको अन्तिम प्रतिवेदनले स्थानीय सरकार सञ्चालन ऐन, सार्वजनिक खरिद ऐन, तथा प्रचलित कानुनविपरीत लाखौं रुपैयाँ खर्च भएको देखाएको छ ।

प्रतिवेदनअनुसार उपमहानगरपालिकाको वित्तीय अनुशासन कमजोर देखिनुका साथै बेरुजुको आकार लगातार बढ्दो क्रममा छ । महालेखा परीक्षकको कार्यालयले सार्वजनिक गरेको प्रतिवेदनअनुसार धरानको कुल अद्यावधिक बेरुजु ४५ करोड रुपैयाँभन्दा बढी पुगेको छ ।