बाँदर धपाउन नगरपालिकाको बजेट

९ असार, खोटाङ । खोटाङको दिक्तेल रूपाकोट मझुवागढी नगरपालिकाले बाँदर धपाउन बजेट विनियोजन गरेको छ । बाँदरको आतंकबाट पीडित किसानलाई राहत दिलाउने उद्देश्यका साथ नगरपालिकाले ‘बाली हेराला’ राख्ने भन्दै त्यसका लागि बजेट विनियोजन गरेको हो ।

मंगलबार नगरसभामा उपमेयर विसन राईले प्रस्तुत गरेको आगामी आर्थिक वर्ष २०८३/८४ को बजेटमा ‘बाँदर लगायतका हानीकारक वन्यजन्तुबाट कृषि बालीमा हुने क्षति न्युनीकरणका लागि ४५ लाख विनियोजन’ गरिएको छ ।