फक्ताङलुङका ६ जलविद्युत् आयोजनालाई सिएसआर विवरण बुझाउन ७ दिने अल्टिमेटम

ताप्लेजुङको फक्ताङलुङ गाउँपालिकाले आफ्नो पालिका क्षेत्रभित्र निर्माणाधीन तथा सञ्चालनमा रहेका ६ वटा ठूला जलविद्युत् आयोजनालाई संस्थागत सामाजिक उत्तरदायित्व (सिएसआर) सहित आयोजनाको सम्पूर्ण विवरण सात दिनभित्र पेस गर्न निर्देशन दिएको छ।

गाउँपालिका अध्यक्ष राजन लिम्बू (मुक्ति) ले मंगलबार साँझ एक सार्वजनिक पत्रमार्फत आयोजनाहरूसँग सम्बन्धित महत्वपूर्ण प्राविधिक, कानुनी तथा वित्तीय विवरण सात दिनभित्र पालिका कार्यालयमा अनिवार्य दाखिला गर्न पत्राचार गरेका हुन्।