अवरुद्ध पृथ्वीराजमार्ग साढे तीन घण्टापछि सुचारु

सवारी दुर्घटनाले गर्दा अवरुद्ध बनेको पृथ्वीराजमार्गअन्तर्गत तनहुँको आँबुखैरेनी–मुग्लिन सडकखण्ड साढे तीन घण्टापछि पूर्ण रूपमा सुचारु भएको छ ।

आँबुखैरेनी गाउँपालिका–४ स्थित मस्र्याङ्दी जलविद्युत् केन्द्रको पावर हाउस नजिकै मङ्गलवार साँझ सवा ६ बजे दुईवटा ठुला सवारीसाधन एकापसमा ठोक्किँदा राजमार्ग दुवैतर्फ अवरुद्ध भएको थियो ।