१३ जलविद्युत्का ९३६ कर्मचारी–प्राविधिक सम्पर्कविहीन

काठमाडौं : बुधबार भोटेकोशी नदीमा आएको बाढीका कारण रसुवा र नुवाकोटमा निर्माणाधीन तथा निर्माण सम्पन्न १३ जलविद्युत् आयोजनामा ठूलो क्षति पुगेको छ। आयोजनाका संरचना, कार्यालय तथा कामदारका क्याम्पमा क्षति पुग्दा विद्युत् उत्पादन र सञ्चालनसमेत प्रभावित भएको छ।

स्वतन्त्र ऊर्जा उत्पादकहरूको संस्था नेपाल (इप्पान)का अनुसार बाढी प्रभावित रसुवा र नुवाकोटका १३ जलविद्युत् आयोजनामा करिब दुई हजार कामदार कार्यरत थिए। तीमध्ये ९ सय ३६ जना अझै सम्पर्कविहीन छन्।