अमेरिका, बेलायत र अस्ट्रेलियाले समुद्रमुनि चल्ने ड्रोन प्रविधि विकास गर्ने

१७ जेठ, काठमाडौं । अमेरिका, बेलायत र अस्ट्रेलिया सम्मिलित (ओकस सैन्य गठबन्धन) ले समुद्रमुनि चल्ने ड्रोन प्रविधि विकास गर्ने भएका छन् ।

सिंगापुरमा आयोजित सुरक्षा सम्मेलन (सांग्रिला डायलोग)मा यो निर्णय भएको हो । सम्मेलनपछि तीनवटै देशका रक्षा मन्त्रीहरुले समुद्र मुनिको रक्षा प्रणाली चुस्त बनाउन र महत्वपूर्ण समुद्री केबलहरूको सुरक्षा गर्न अत्याधुनिक ‘अनक्रुड अन्डरसी भेइकल’ अर्थात् मानवरहित पनडुब्बी ड्रोन प्रविधि विकास गर्ने घोषणा संयुक्त रूपमा गरे ।