अग्लुङ्गमा निःशुल्क बृहत् स्वास्थ्य शिविर

पश्चिम गुल्मीको मदाने गाउँपालिका वडा नम्बर १ अग्लुङ्गमा निःशुल्क बृहत् स्वास्थ्य शिविर सञ्चालन हुने भएको छ। स्थानीय नागरिकहरूलाई गाउँघरमै विशेषज्ञ स्वास्थ्य सेवा उपलब्ध गराउने उद्देश्यसहित यहि जेठ २१ र २२ गते स्वास्थ्य शिविर आयोजना गर्न लागिएको वडा अध्यक्ष सुशील चन्दले जानकारी दिनुभयो।

उहाँका अनुसार अग्लुङ्ग वडा कार्यालय आयोजना तथा डाक्टर राजेन्द्र बोहराको सहजीकरणमा उक्त शिविर अग्लुङ्ग स्वास्थ्य चौकीमा सञ्चालन हुन लागेको हो। बृहत् स्वास्थ्य शिविरमा विभिन्न विशेषज्ञ सेवाहरू निःशुल्क रूपमा प्रदान गरिने बताइएको छ। शिविरमा स्त्रीरोग सेवा, हाडजोर्नी तथा नशा रोग सेवा, जनरल फिजिसियन सेवा, छाला रोग सेवाका साथै सर्जन सम्बन्धी सेवाहरू उपलब्ध हुनेछन्।