भारतले पेट्रोल र डिजेलमा निर्यात शुल्क घटायो

काठमाडौँ । भारत सरकारले पेट्रोल, डिजेल तथा एभिएसन टर्बाइन फ्युल (एटीएफ)मा लाग्दै आएको निर्यात शुल्क घटाउने निर्णय गरेको छ । भारतीय सरकारले शनिबार जारी गरेको सूचनाअनुसार नयाँ व्यवस्था १ जुनदेखि लागू हुनेछ ।

इन्धन निर्यातलाई सहज बनाउने तथा अन्तर्राष्ट्रिय बजारको अवस्थालाई ध्यानमा राखेर निर्यात शुल्क घटाइएको जनाएको छ । पेट्रोलमा निर्यात शुल्क १.५ रुपैयाँ प्रतिलिटर तोकिएको छ भने डिजेलमा १३.५ रुपैयाँ प्रतिलिटर कायम गरिएको समाचार संस्था रोयटर्सले जनाएको छ । त्यस्तै, एटीएफ (एभिएसन टर्बाइन फ्युल) मा ९.५ रुपैयाँ प्रतिलिटर निर्यात शुल्क निर्धारण गरिएको छ ।