ब्राउन सुगरको भूमिगत अर्थतन्त्र

गत ७ वैशाखको राति ८:२० बजे प्रहरीले मोरङको रतुवामाई नगरपालिकामा ब्राउन सुगर (खैरो हेरोइन) कारोबारी पक्रन हवाई फायर गर्‍यो। यस क्रममा रतुवामाई नगरपालिका-१ हटियाडाँडाका २१ वर्षीय आविद मियाँ पक्राउ परे। मियाँ बीआर ३८ एडी ५३९० नम्बरको मोटरसाइकलमा ब्राउन सुगर लिएर भारतबाट नेपाल आउँदै थिए।

मियाँ नेपाली भूमि टेकेका मात्रै थिए, प्रहरीले घेरा हाल्यो। उनले मोटरसाइकल हुइँक्याउन थालेपछि प्रहरीले पेस्तोलबाट दुई राउन्ड गोली चलाएको थियो। उनको साथबाट ४४७.८९० ग्राम ब्राउन सुगर बरामद भएको थियो। इलाका प्रहरी कार्यालय सिजुवाले मुद्दा चलाएकामा मियाँ पुर्पक्षका लागि थुनामा छन्।