तन्त्रमन्त्र गरेर पेट्रोल बचाइदिने आश्वास दिँदै रुसी तान्त्रिकको यस्तो धन्दा

मस्को । रुसमा पछिल्लो समय इन्धन संकट गहिरिँदै गएको छ । यस्तोमा आफूलाई जादुगर, तान्त्रिक, ज्योतिषी वा भविष्यवक्ता बताउने व्यक्तिहरूले मोटरचालकलाई ठगी गर्न थालेका छन् ।

उनीहरूले शुल्क लिएर जादु–टोना वा तान्त्रिक विधिमार्फत गाडीको इन्धन खपत घटाइदिने दाबी गरिरहेका छन् । युक्रेनी आक्रमणका कारण रुसका विभिन्न तेल प्रशोधन केन्द्र प्रभावित भएपछि देशका धेरै क्षेत्रमा इन्धन अभाव चर्किएको छ । चालकहरू घण्टौँसम्म पेट्रोल पम्पमा लाइन बस्न बाध्य छन् भने इन्धनको मूल्य पनि उल्लेखनीय रूपमा बढेको छ ।