कर्णालीमा मन्त्रिपरिषद् पुनर्गठनको सिफारिस, मुख्यमन्त्री कँडेलसँग पाँच मन्त्रालय

सुर्खेत- कर्णाली प्रदेशका मुख्यमन्त्री यामलाल कँडेलले प्रदेश मन्त्रिपरिषद् पुनर्गठन तथा कार्यविभाजनका लागि प्रदेश प्रमुखसमक्ष सिफारिस गरेका छन्।

मुख्यमन्त्री तथा मन्त्रिपरिषद्को कार्यालय, कर्णाली प्रदेश सरकारबाट बुधबार जारी पत्रअनुसार नेपालको संविधानको धारा १६८ को उपधारा (९) बमोजिम मन्त्रिपरिषद्को गठन, नियुक्ति, हेरफेर तथा कार्यविभाजनका लागि प्रदेश प्रमुख यज्ञराज जोशीसमक्ष सिफारिस गरिएको हो।