अमेरिका भ्रमणमा जाँदै इजरायली प्रधानमन्त्री

जेरुसलेम । इजरायलका प्रधानमन्त्री बेन्जामिन नेतान्याहु शनिबार अमेरिका भ्रमणमा जाने भएका छन् । एक वरिष्ठ इजरायली अधिकारीलाई उद्धृत गर्दै अन्तर्राष्ट्रिय समाचार संस्था रोयटर्सले बुधबार उक्त कुराको जानकारी दिएको हो ।

ती अधिकारीका अनुसार नेतान्याहुले अमेरिकी राष्ट्रपति डोनाल्ड ट्रम्पसँग भेट गर्ने इच्छा राखेका छन् । तर दुवै नेताबिच भेटवार्ता हुने वा नहुनेबारे अझै निश्चित भइसकेको छैन । पश्चिम एसियामा जारी पछिल्लो द्वन्द्वका क्रममा इजरायल दुई मोर्चामा सक्रिय रहेको छ ।