चीनसँग पनि नेपाली महिला क्रिकेट टिम पराजित, एसियन गेम्स खेल्ने अवसर गुमायो

काठमाडौँ- चीनसँग पराजित भएपछि नेपाली राष्ट्रिय महिला क्रिकेट टोलीको एसियन गेम्स खेल्ने अवसर पनि गुमाएको छ। एसियन छनोटअन्तर्गत तेस्रो स्थानका लागि आइतबार बिहान मलेसियाको वायोमास ओभलमा भएको खेलमा नेपाल चीनसँग डीएलएस मेथडमा ५ विकेटले हारेको हो।

योसँगै नेपाली महिला क्रिकेट टोलीले जापानमा हुने एसियन गेम्समा छनोट हुने अन्तिम मौका पनि गुमाएको हो। नेपाललाई पराजित गरेसँगै चीनको महिला क्रिकेट टोलीले भने एसियन गेम्समा स्थान बनाएको छ। वर्षाका कारण खेल ७ ओभरमा छोट्याइएको थियो। नेपालले ७ ओभरमा ५ विकेटको क्षतिमा ५० रनको योगफल तयार पारेको थियो।