एप्पलको नयाँ एआई सिरी सार्वजनिक परीक्षणमा, अब थप स्मार्ट र व्यक्तिगत

काठमाडौं । एप्पलले आफ्नो नयाँ एआई सञ्चालित सिरीलाई सार्वजनिक परीक्षण मार्फत प्रयोगकर्ताका लागि उपलब्ध गराएको छ । कम्पनीका अनुसार नयाँ सिरी पहिलेको तुलनामा धेरै स्मार्ट, सन्दर्भ बुझ्न सक्ने र थप व्यक्तिगत अनुभव प्रदान गर्ने गरी विकास गरिएको छ ।

नयाँ सिरीले प्रयोगकर्ताको अनुमति प्राप्त सीमाभित्र इमेल, फोटो, सन्देश तथा अन्य सामाग्रीलाई बुझेर सम्बन्धित काममा सहयोग गर्न सक्छ । साथै, स्क्रिनमा देखिएका सामाग्रीको सन्दर्भमा प्रश्नको उत्तर दिनु, जानकारी खोज्नु तथा विभिन्न कार्यहरू छिटो सम्पन्न गर्न पनि सक्षम छ । आवश्यक पर्दा यसले च्याटजीपीटी जस्ता एआई सेवाको सहयोग पनि लिन सक्छ ।