स्ट्यान्डर्ड चार्टर्ड बैंक नेपाल लिमिटेडले विश्व वातावरण दिवसको अवसरमा वृक्षारोपण कार्यक्रम आयोजना गर्याे

काठमाडौं- स्ट्यान्डर्ड चार्टर्ड बैंक नेपाल लिमिटेड (SCBNL) ले विश्व वातावरण दिवसको अवसरमा आज कीर्तिपुरस्थित आदिनाथ सामुदायिक वनमा वृक्षारोपण कार्यक्रम आयोजना गरेको छ ।

यस कार्यक्रममा करिब ३५० जना कर्मचारी तथा स्थानीय समुदायका सदस्यहरूको सहभागिता रहेको थियो । कार्यक्रममा फलफूल दिने, फूल फुल्ने तथा छायाँ प्रदान गर्ने विभिन्न प्रजातिका ५०० बिरुवा रोपिएका थिए । यस गतिविधिले स्थानीय हरियाली प्रवद्र्धन, जैविक विविधताको संरक्षण तथा दीर्घकालीन वातावरणीय दिगोपनामा योगदान पुर्याउने लक्ष्य राखेको छ ।