साफ महिला च्याम्पियनसिप : समूह विजेता बन्ने लक्ष्यमा नेपाल

काठमाडौं । दक्षिण एसियाली फुटबल महासंघ (साफ) महिला च्याम्पियनसिपअन्तर्गत समूह चरणको आफ्नो दोस्रो तथा अन्तिम खेलमा आज (जेठ १७) श्रीलंकाको सामना गर्दा नेपाल समूह विजेता बन्दै सेमिफाइनलमा पुग्ने लक्ष्यमा हुनेछ । खेल भारतको जवाहरलाल नेहरु रंगशालामा नेपाली समयानुसार अपराह्न ४ः४५ बजे सुरु हुनेछ ।

अन्जिला तुम्बापोको कप्तानीमा रहेको नेपाल श्रीलंकालाई हराउँदै शतप्रतिशत जितका साथ सेमिफाइनलमा पुग्ने लक्ष्यमा हुनेछ । यो खेलमा बराबरी गरे पनि नेपाल समूह विजेता बन्नेछ ।