‘क्वालिटी’ ब्रान्डको मुँगको दाल बजारबाट तत्काल फिर्ता गर्न विभागको आदेश

काठमाडौँ । खाद्य प्रविधि तथा गुण नियन्त्रण विभागले ‘क्वालिटी’ ब्रान्डको ब्याच नम्बर ३० उल्लेख भएको मुँगको दाल न्यून स्तरको फेला परेपछि बजारबाट तत्काल फिर्ता गर्न आदेश दिएको छ । बजार अनुगमनका क्रममा सङ्कलन गरिएको उक्त दालको नमुना प्रयोगशालामा परीक्षण गर्दा मापदण्ड विपरीत पाइएपछि विभागले बिक्री–वितरणमा समेत रोक लगाएको हो ।

विभागले २०८३ असार ३१ गते एक सूचना जारी गर्दै कास्कीको पोखरास्थित ‘गृहिणी एग्रो प्रोडक्ट’ द्वारा उत्पादित उक्त ब्रान्डको दाल बजारबाट तत्काल फिर्ता लिन उत्पादकलाई निर्देशन दिएको छ ।