राष्ट्रिय सुरक्षा र कूटनीतिकमा असर पार्ने फिल्मलाई प्रदर्शन अनुमति नदिइने

काठमाडौँ। सूचना तथा सञ्चार मन्त्रालयले मुलुकको सुरक्षा, शान्ति तथा व्यवस्था र मित्रराष्ट्रसँगको सुसम्बन्धमा असर पर्ने विषयवस्तु समावेश भएका फिल्मलाई प्रदर्शन अनुमति नदिन फिल्म विकास बोर्डलाई निर्देशन दिएको छ।

मन्त्रालयले यही असार २६ गते फिल्म विकास बोर्डलाई पत्राचार गर्दै फिल्म (निर्माण, प्रदर्शन तथा वितरण) ऐन, २०२६ को दफा ८(३) अनुसार यस्ता विषयवस्तु भएका फिल्मलाई फिल्म जाँच समितिबाट प्रदर्शन अनुमति दिन नमिल्ने व्यवस्था रहेको स्मरण गराएको हो।