१ सय ६६ वटा विधेयक संघीय संसदमा पेस गर्ने सरकारको लक्ष्य

सरकारले आगामी आर्थिक वर्षमा सरकारले कुल १ सय ६६ वटा विधेयक संघीय संसदमा पेस गर्ने लक्ष्य राखेको छ । प्रतिनिधिसभाको बुधबारको बैठकमा कानुन, न्याय तथा संसदीय मालिामन्त्री सोविता गौतमले सो जानकारी दिएकी हुन् ।

मन्त्री गौतमले नयाँ कानुन निर्माण र मौजुदा ऐनको परिमार्जनका लागि सरकारले कार्यतालिका नै तय गरेको स्पष्ट पारिन् । उनका अनुसार पेस गरिने विधेयकहरूमध्ये ९७ वटा नयाँ रहेका छन् भने ६९ वटा प्रचलित ऐनलाई संशोधन गर्न बनेका विधेयकहरू छन् ।