माइतीघरमा किसानको प्रदर्शनपछि कृषिमन्त्रीसँग वार्ता, माग सम्बोधन गर्ने आश्वासन

कृषि उपजको उचित मूल्य नपाएको भन्दै किसानहरूले बुधबार माइतीघर मण्डलामा प्रदर्शन गरेका छन्। उत्पादनको लागतसमेत नउठ्ने गरी बजार मूल्य निर्धारण भएको, बिचौलियाको प्रभाव बढेको र सरकारले किसानका समस्याप्रति बेवास्ता गरेको आरोप लगाउँदै उनीहरूले सरकारको ध्यानाकर्षण गराएका हुन्।

प्रदर्शनपछि कृषि, वन तथा वातावरणमन्त्री गीता चौधरीले आन्दोलनरत किसानका प्रतिनिधिसँग छलफल गर्नुभएको छ। मन्त्रालयमा भएको छलफलमा किसानहरूले कृषि उपजको उचित मूल्य निर्धारण, बजार व्यवस्थापन र किसानमैत्री नीति कार्यान्वयनलगायतका माग राखेका थिए।