मनहरीबाट १०९ किलो गाँजासहित दुई जना पक्राउ

काठमाडौं । मकवानपुरको मनहरी गाउँपालिका–८ सिमपानीस्थित पूर्व–पश्चिम राजमार्गबाट प्रहरीले १०९ किलो गाँजासहित दुई जनालाई पक्राउ गरेको छ।

विशेष सूचनाका आधारमा इलाका प्रहरी कार्यालय मनहरीबाट खटिएको टोलीले चितवनबाट हेटौंडातर्फ जाँदै गरेको बा.प्र.०१–०२६ च ४८९३ नम्बरको योद्धा पिकअप रोकी जाँच गर्दा त्रिपालले छोपेर प्लास्टिकमा बेरिएका १५ पोकामा लुकाइछिपाइ राखिएको १०९.०९६ किलो गाँजा बरामद गरेको हो।