विजनेस अभावमा संघीय संसद्का दुवै सदन दुई साताका लागि स्थगित

सरकारले विधेयक तथा अन्य कार्यसूची (बिजनेस) उपलब्ध गराउन नसकेपछि संघीय संसद्का दुवै सदनका बैठक दुई साताका लागि स्थगित भएका छन्। प्रतिनिधिसभा र राष्ट्रिय सभाको बुधबार बसेको बैठक साउनको दोस्रो साता बस्ने गरी स्थगित भएका हुन्।

प्रतिनिधि सभाको बैठकमा सभामुख डोलप्रसाद अर्यालले अर्को बैठक साउन १४ गते बिहान ११ बजे बस्ने जानकारी गराए। बैठकअघि बसेको कार्यव्यवस्था परामर्श समितिको बैठकमा संसद्मा पर्याप्त बिजनेस नरहेको निष्कर्ष निकाल्दै दुई साताका लागि बैठक स्थगित गर्ने सहमति भएको थियो।