बजेट खर्च र राजस्वमा सरकारको कमजोर प्रदर्शन

चालु आर्थिक वर्ष सकिन दुई दिन मात्र बाँकी रहँदा सरकारले लक्ष्य राखेको राजस्व सङ्कलन र पुँजीगत खर्च दुवैमा कमजोर प्रदर्शन गरेको छ। नयाँ सरकार गठन भएको १०० दिन पुग्दै गर्दा पनि अर्थतन्त्रका यी प्रमुख सूचकहरूमा अपेक्षित सुधार आउन सकेको छैन।

महालेखा नियन्त्रक कार्यालयको असार ३० गतेसम्मको तथ्याङ्कअनुसार चालु आर्थिक वर्षमा १४ खर्ब ८० अर्ब रुपैयाँ राजस्व सङ्कलन गर्ने लक्ष्य राखिएकोमा हालसम्म जम्मा १२ खर्ब रुपैयाँ मात्र उठेको छ। यो लक्ष्यको करिब ८२ प्रतिशत हो।