सुनका गहनाका लागि साथीको हत्या

पोखरा। सुनका गहनाको लोभमा आफ्नै साथीको हत्या गरेको आरोपमा लमजुङ प्रहरीले एक युवकलाई पक्राउ गरेको छ।

बेँसीसहर नगरपालिका २‚ बोहोराबेँसीका ५७ वर्षीय बुद्धिबहादुर बोहोराको हत्या गरेको आरोपमा दोर्दी गाउँपालिका १ ढोकेघर स्थायी घर भई हाल भोटेओडार बस्दै आएका ३० वर्षीय विजय लामिछानेलाई पक्राउ गरिएको जिल्ला प्रहरी कार्यालय लमजुङले बुधबार पत्रकार सम्मेलनमार्फत सार्वजनिक गरेको हो।