मिडिया हाउसका गेटमा शंकास्पद गाडी : अनुसन्धान नै अघि बढेन

३१ असार, काठमाडौं । सोमबार बिहान मिडिया हाउसका गेटमा आवतजावत नै अवरुद्ध हुने गरी शंकास्पद रूपमा छोडिएका गाडीका विषयमा अनुसन्धान नै अघि बढेको छैन ।

सरकारका प्रवक्ता तथा शिक्षा मन्त्री सस्मित पोखरेलले मंगलबार पत्रकारसँग कुराकानी गर्दै यो घटनामा छानबिन हुने बताएका थिए । मंगलबार मन्त्रिपरिषद् बैठकपछि सञ्चारकर्मीसँग प्रवक्ता पोखरेलले भनेका थिए, ‘प्रहरीले यसमा को-को संलग्न छ भनेर खोजी गर्दैछ । जुनसुकै पार्टीको भए पनि के सजाय हुनुपर्ने हो हुन्छ ।’