प्रधानमन्त्री साहले भने- सुकुमवासी समस्याको व्यवस्थापनमा केही समय लाग्छ, ३५ वर्षको समस्या ३५ मिनेटमै समाधान नखोजौँ

काठमाडौँ । प्रधानमन्त्री वालेन्द्र साहले सुकुमवासीहरूलाई जग्गा व्यवस्थापन गर्ने काममा केही समय लाग्ने स्पष्ट पारेका छन्। आइतबार प्रतिनिधि सभा बैठकमा विपक्षी दल श्रम संस्कृति पार्टीका सांसद आर्यन राईले "सुकुमवासीलाई कहिले जग्गाको व्यवस्था हुन्छ?" भनी सोधेको प्रश्नको जवाफ दिँदै उनले यस्तो बताएका हुन्।

जवाफका क्रममा प्रधानमन्त्री साहले सुकुमवासी व्यवस्थापनका लागि सरकार दृढताका साथ प्रतिबद्ध रहेको उल्लेख गर्दै ३५ वर्षदेखि समाधान हुन नसकेको यो जटिल समस्या ३५ मिनेट भित्रै समाधान हुन्छ भन्ने अपेक्षा नगर्न सांसदहरूलाई सचेत गराए।