देशभर सवारीसाधन ६२ लाख नाघे, ५० लाखभन्दा बढी मोटरसाइकल

काठमाडौं- देशभर दर्ता भएका सवारीसाधनको सङ्ख्या ६२ लाखभन्दा बढी पुगेको छ। अर्थ मन्त्रालयले सार्वजनिक गरेको विवरणअनुसार चालु आर्थिक वर्षको फागुन मसान्तसम्म कुल सवारीसाधनको सङ्ख्या ६२ लाख ४९ हजार ७३२ पुगेको हो।

मन्त्रालयका अनुसार चालु आर्थिक वर्षको फागुन मसान्तसम्म मात्रै २ लाख ८१ हजार ९२१ सवारीसाधन दर्ता भएका छन्। दर्ता भएका सवारीसाधनमध्ये ५० लाखभन्दा बढी मोटरसाइकल रहेको तथ्यांकले देखाएको छ।