सुदूरपश्चिममा बजेट पास गराउन मुख्यमन्त्रीले गरेको प्रस्ताव नेकपाले गर्‍यो अस्वीकार

३१ असार, धनगढी । सुदूरपश्चिमका मुख्यमन्त्री कमलबहादुर शाहले प्रमुख प्रतिपक्षी दल नेपाली कम्युनिस्ट पार्टी (नेकपा) लाई प्रदेश सभामा पेस भएको बजेट पारित गर्न सघाउन प्रस्ताव गरेका छन् । नेकपाले भने उक्त प्रस्ताव अस्वीकार गरेको छ ।

बजेटमा खर्च कटौतीको प्रस्ताव फिर्ता नलिने भएपछि बुधबार शाहले एमालेबाट प्रतिनिधित्व गर्ने चार मन्त्रीलाई बर्खास्त गरेका थिए । मन्त्रीलाई बर्खास्त गरे लगत्तै उनले नेकपालाई बजेट पारित गर्न सघाउन र सत्ता सहकार्य अघि बढाउने गरी प्रस्ताव गरेका हुन् ।