महेश बस्नेतको प्रश्न: विष्णु पौडेल माथिको अनुसन्धानमा कानुन किन पालना भएन ?

नेकपा (एमाले) का सचिव महेश बस्नेतले उपाध्यक्ष विष्णु पौडेल पक्राउ पर्नु अस्वाभाविक भएको भन्दै सम्पत्ति शुद्धीकरणसम्बन्धी अनुसन्धानमा कानुनको समान प्रयोग नभएको बताएका छन्।

बुधबार सामाजिक सञ्जालमा लेख्दै नेपालको कानुनअनुसार सम्पत्ति शुद्धीकरण सामान्यतः भ्रष्टाचार, ठगी, तस्करी तथा लागूऔषध कारोबारजस्ता मूल कसुरबाट प्राप्त अवैध सम्पत्तिलाई लुकाउने वा वैध देखाउने कार्यसँग सम्बन्धित हुने बताएका छन्। तर, अस्वाभाविक रूपमा आर्जित सम्पत्तिको वैध स्रोत खुलाउन नसकिएको अवस्थामा स्वतन्त्र रूपमा पनि सम्पत्ति शुद्धीकरणको अनुसन्धान र मुद्दा चलाउन सकिने कानुनी व्यवस्था रहेको उनको उनको भनाइ छ।