सुदूरपश्चिमका तीन मन्त्री र एक राज्यमन्त्री पदमुक्त

कैलाली। सुदूरपश्चिम प्रदेशका मुख्यमन्त्री कमलबहादुर शाहले तीन मन्त्री र एक राज्यमन्त्रीलाई पदमुक्त गरेका छन्।

सत्ता साझेदार नेकपा एमालेसँगको बजेट विवाद उत्कर्षमा पुगेपछि उनले आज (बुधबार) एमालेका तीन मन्त्री र एक राज्यमन्त्रीलाई पदमुक्त गरेका हुन्। पदमुक्त हुनेमा भूमि व्यवस्था, कृषि तथा सहकारीमन्त्री वीरबहादुर थापा, आन्तरिक मामिला तथा कानुनमन्त्री हीरा सार्की, भौतिक पूर्वाधार विकासमन्त्री सुरेन्द्र पाल र भौतिक पूर्वाधार विकास राज्यमन्त्री निर्मलादेवी साउँद छन्।