एमालेसँगको सत्ता सहकार्य तोड्दै कांग्रेस

कर्णालीको सत्ता परिवर्तनका विषयमा मुख्यमन्त्री यामलाल कँडेल र नेपाली कांग्रेस संसदीय दलका नेता जीवनबहादुर शाहीबीच मंगलबार झण्डै दुई घण्टा एक्लाएक्लै छलफल भयो । कर्णाली प्रदेशसभाको सबैभन्दा ठूलो दल कांग्रेसको समर्थनमा मुख्यमन्त्री बनेका कँडेलले सहजै सत्ता हस्तान्तरण गर्नेमा कांग्रेस आशावादी थियो ।

स्रोतका अनुसार दुई नेताबीच भएको छलफलमा आधा–आधा कार्यकाल सरकार सञ्चालन गर्ने सहमति भएपनि मुख्यमन्त्री कँडेलले धेरै समय सरकार सञ्चालन गरिसकेको र बजेट पनि पारित भएकाले सत्ता हस्तान्तरण गर्ने विषयमा छलफल भएको थियो । तर, मुख्यमन्त्री कँडेल सत्ता हस्तान्तरणका विषयमा सहमत भएपछि बुधबार बिहानै नेपाली कांग्रेसबाट सरकारमा सहभागी चार जना मन्त्रीहरुले सामुहिक राजीनामा दिए ।