ट्रम्पको स्वास्थ्य ‘उत्कृष्ट’, तौल घटाउन र थप व्यायाम गर्न डाक्टरको सुझाव

अमेरिकी राष्ट्रपति डोनाल्ड ट्रम्पको पछिल्लो स्वास्थ्य परीक्षणले उनको स्वास्थ्य अवस्था उत्कृष्ट रहेको देखाएको छ ।

तर चिकित्सकहरूले उनलाई तौल घटाउन र शारीरिक गतिविधि अझ बढाउन सुझाव दिएका छन् । ह्वाइट हाउसले सार्वजनिक गरेको स्वास्थ्य प्रतिवेदनअनुसार ट्रम्पका निजी चिकित्सक शिन बार्बेबेलाले राष्ट्रपति ट्रम्पको मुटु, फोक्सो, स्नायु प्रणाली तथा समग्र शारीरिक अवस्था निकै राम्रो रहेको बताएका छन् । ट्रम्प आगामी महिना ८० वर्ष पुग्दै छन् । उनी अमेरिकी इतिहासमा राष्ट्रपति पदको शपथ ग्रहण गर्ने सबैभन्दा बढी उमेरका व्यक्ति हुन् ।