यसकारण चाहिन्छ राष्ट्रिय युवा परिषद् ?

कुनै पनि देशको सामाजिक, आर्थिक र राजनीतिक रूपान्तरणको मुख्य संवाहक त्यस देशको युवा जनशक्ति हो । नेपालको सन्दर्भमा यो तथ्य झन् बढी जीवन्त देखिन्छ, किनभने राष्ट्रिय जनगणना २०७८ को आधिकारिक तथ्याङ्क अनुसार नेपालमा १६ देखि ४० वर्ष उमेर समूहका युवा कुल जनसख्याको ४२.५६ प्रतिशत रहेको छ ।

यो तथ्याङ्कले नेपाली इतिहासमै देश हाल जनसाङ्ख्यिक लाभांशको सबैभन्दा सुनौलो चरणबाट गुज्रिरहेको स्पष्ट पार्छ । यस्तो ऊर्जाशील र सिर्जनशील जनशक्तिलाई राष्ट्र निर्माणको मूल प्रवाहमा समाहित नगरेसम्म मुलुकले परिकल्पना गरेको समृद्धिको यात्रा पूरा हुन सक्दैन ।