स्थानीय हाटबजारमा उपभोक्ताको घुइँचो

भक्तपुर । ‘दिगो विकास व्यवस्थित सहर, स्वच्छ समृद्ध सूर्यविनायक नगर’ भन्ने नाराका साथ सूर्यविनायक नगरपालिकाको आयोजना एवं वडा नं ८ कार्यालयको व्यवस्थापनमा सिपाडोलमा आज भएको निःशुल्क घुम्ती हाटबजारमा उपभोक्ताको घुइँचो लागेको छ ।

वडा नं ८ का वडाध्यक्ष एवं नगरपालिकाको आर्थिक विकास समिति संयोजक पुष्पराज बस्नेतले घुम्ती हाटबजारमा स्थानीय रैथाने तथा अर्गानिक उत्पादन, हरियो तरकारी, गुन्द्रुक, सिन्की, मस्यौरा, जिम्बु, च्याउँ, कुरिलो, फूलका बिरुवा, स्थानीय फलफूललगायत कक्ष (स्टल) मा उपभोक्ताको घुइँचो लागेको बताए।