सुर्तीजन्य कर: भाषणमा १० प्रतिशत, वास्तविकतामा २.५ प्रतिशत

शुक्रवार अर्थमन्त्री स्वर्णिम वाग्लेले संसदमा प्रस्तुत बजेट भाषणमा यस वर्ष सुर्तीजन्य पदार्थमा १० प्रतिशत कर वृद्धि गरेको घोषणा गरे। संसदमा तालीको गडगडाहट गुञ्जियो। तर सरकारले जारी गरेको आर्थिक विधेयकमा समावेश गरिएको कर वृद्धि फरक पाएपछि सरकारमाथि जनतालाई झुक्याएको आरोप लागेको छ।

सुर्तीजन्य पदार्थमा अत्यधिक कर वृद्धिको माग गर्दै आएका अभियन्ताहरूले पनि आपत्ति जनाएका छन्। लामो समयदेखि सुर्तीजन्य पदार्थ नियन्त्रण अभियानमा अनुसन्धानमार्फत सक्रिय नेपाल विकास अनुसन्धान परिषद्ले विज्ञप्ति जारी गरी आपत्ति जनाएको छ।