उदयपुरमा जुवा खेलिरहेको अवस्थामा चार जना पक्राउ

जिल्ला प्रहरी कार्यालय उदयपुर र अस्थायी प्रहरी पोस्ट बगाहाबाट खटिएको संयुक्त प्रहरी टोलीले मङ्गलवार साँझ त्रियुगा नगरपालिका वडा नम्बर ४ बाट चार जना जुवाडेलाई पक्राउ गरेको छ।

स्थानीय डाँडातोलस्थित ईश्वर कार्कीको गोठघरमा जुवा खेलिरहेको अवस्थामा त्रियुगा नगरपालिका वडा नम्बर ४ बस्ने ५० वर्षीय तिलक बुढाथोकी, वडा नम्बर ११ बस्ने ३९ वर्षीय भवननाथ सिग्देल, सोही ठाउँका ४० वर्षीय प्रविण राई र वडा नम्बर ९ बस्ने ४३ वर्षीय दीपक बराललाई पक्राउ गरिएको प्रहरीले जनाएको छ।