क्षेत्रगत आधारमा चालु पुँजी कर्जा मार्गदर्शन लागु गर्न उद्योग परिसंघको सुझाव

नेपाल उद्योग परिसंघ (सिएनआई) ले आगामी आर्थिक वर्ष २०८३/८४ को मौद्रिक नीतिमा चालु पुँजी कर्जासम्बन्धी मार्गदर्शनलाई क्षेत्रगत आधारमा लागु गर्न सुझाव दिएको छ।

परिसंघका अध्यक्ष वीरेन्द्रराज पाण्डेले नेपाल राष्ट्र बैंकका गभर्नर विश्वनाथ पौडेललाई आगामी मौद्रिक नीतिका लागि सुझावपत्र हस्तान्तरण गर्दै बाह्य क्षेत्रका सूचकहरू बलियो रहे पनि आन्तरिक आर्थिक गतिविधि अझै अपेक्षित रूपमा सुधार हुन नसकेको अवस्थामा निजी क्षेत्रलाई प्रोत्साहन गर्ने नीतिगत व्यवस्था आवश्यक रहेको बताएका हुन्।