१० प्रतिशत निःशुल्क सेवा दिन सक्दैनौ : अफिन

सरकारले सरकारी, सामुदायिक तथा निजी अस्पतालहरूले अनिवार्य रूपमा विपन्न तथा असहायको लागि १० प्रतिशत शैय्यासहित सम्पूर्ण सेवा निःशुल्क प्रदान गर्ने अनलाइन पोर्टल जारी गरेपछि निजी अस्पतालहरूको सङ्गठन ‘अफिन’ले सरकारको माग अनुसार निःशुल्क सेवा दिन नसक्ने जनाएको छ।

कार्यविधिमा व्यवस्था भएर अनुसार सेवा दिँदा निजी अस्पताल मर्कामा पर्ने भन्दै गत साता नै स्वास्थ्य तथा खाद्य स्वच्छता मन्त्री निशा मेहतालाई ज्ञापन पत्र बुझाएका छन् भने आपसमा बैठक बसी सरकारको अहिलेका प्रावधानलाई अस्विकार गरेरै जाने गरी उनीहरूले गृहकार्य गरिरहेका छन्। अफिनमा ५ सय जति निजी साना तथा ठुला अस्पतालहरु सहभागी छन्।