उपत्यकाको ट्राफिक व्यवस्थापन प्रविधिमैत्री बनाइँदै

काठमाडौँ। काठमाडौँ उपत्यकाको ट्राफिक व्यवस्थापनलाई प्रविधिमैत्री बनाउन सुरु गरिएको छ। यसका लागि फेसलेस ट्राफिक व्यवस्थापन प्रणालीलाई विस्तार गर्ने योजना बनाएको काठमाडौँ उपत्यका ट्राफिक प्रहरी कार्यालयले जनाएको छ।

कार्यालयले स्वचालित निगरानी प्रणालीको विकास गर्दै फेसलेस ट्राफिक व्यवस्थापन प्रणालीलाई योजनाबद्ध ढंगले अघि बढाउने जनाएको हो। कार्यालयका सूचना अधिकारी एवं प्रहरी उपरीक्षक नरेशराज सुवेदीले सडकमा ट्राफिक प्रहरीको प्रत्यक्ष उपस्थितिबिना सीसीटीभी र प्रविधिको प्रयोग गरी अनुगमन र कारबाही गर्न सकिने प्रणाली सुरु गरिएको बताए।