बागमती टी–२० क्रिकेट : चितवनसँग ५४ रनले हार्‍याे मकवानपुर

मकवानपुर । बागमती प्रदेश स्तरीय टि–२० क्रिकेट प्रतियोगितामा चितवनले ५४ रनको जित निकालेको छ । हेटौँडाको गौरिटार क्रिकेट मैदानमा आइतबार भएकाे उद्घाटन खेलमा मकवानपुर ५४ रनले चितवनसँग पराजित भएको हो ।

बागमती प्रदेश खेलकुद विकास परिषद् र मकवानपुर क्रिकेट सङ्घको संयुक्त आयोजनामा हेटौँडा ६ स्थित गौरिटार क्रिकेट मैदानमा आइतबारबाट सुरु भएको प्रतियोगितामा घरेलु टोली मकवानपुरलाई ५४ रनले हराउँदै चितवनले विजयी सुरुवात गरेको हो । टस जितेर पहिले ब्याटिङको गरेको चितवनले निर्धारित ८ ओभरको खेलमा ४ विकेटको क्षतिमा १०६ रन बनाएको थियो ।